
Våre prosjekt og engasjement
Denne Stranda arbeider med prosjekt og initiativ som skal gjere Stranda til ein attraktiv stad å bu, arbeide, drive næring og skape noko nytt. Nokre tiltak driv vi sjølve, andre utviklar vi saman med næringslivet, kommunen og andre aktørar.
Arbeidet spenner frå rekruttering og næringsutvikling til kompetanse, møteplassar, synleggjering og utvikling av bygdene våre.
Til kvar tid er vi involverte i ei rekkje ulike prosjekt og tiltak. Her presenterer vi eit utval av dei største. Vil du vite meir om kva vi engasjerer oss i, eller er det noko du lurer på? Ta gjerne kontakt.

Etablering av cowork på Stranda
Vi jobbar med å utvikle og etablere ein cowork i Stranda sentrum; ein stad der du kan få ein sosial arbeidsplass, bygge nettverk, samarbeide og bli del av eit miljø med framoverlente folk.

Merkevarebygging og marknadsføring av Stranda
Vi jobbar kontinuerleg med å bygge merkevara Stranda og synleggjere bygdene våre som ein attraktiv stad å bu og arbeide.

Informasjonskanal for Stranda
Vi utvikler Denne Stranda sine kanalar for å samle, synleggjere og dele informasjon om jobb, bustad, næringsliv, aktivitetar, arrangement og moglegheiter i kommunen.

Bustadutvikling
Vi arbeider med å utforme ei kartlegging av bustadbehovet i Stranda kommune. Resultata skal gi grunnlag for tilrådingar til kommunen og utbyggjarar, samarbeid og målretta bustadutvikling. Vår rolle er å bidra med kunnskap, samarbeid og initiativ til utviklinga.

Stranda vidaregåande skule
Vi er ein del av arbeidsgruppa for Stranda vidaregåande skule, som har jobba aktivt politisk for å sikre framtida til skulen. No held vi fram med å bidra i utviklingsarbeidet, med mål om ein sterk og framtidsretta skule som møter behova til både ungdommane og næringslivet.

Destinasjonsleiing
Denne Stranda blir med i den nye destinasjonsleiinga som blir etablert i oktober 2026 i samband med at Stranda er sertifisert som berekraftig reisemål. Leiinga skal samordne arbeidet med eit berekraftig reiseliv som tek omsyn til natur, kultur og lokalsamfunn og bidreg til lokal verdiskaping.

Folkehelse
Saman med kommuneoverlegen, kommunepsykologen og Frivilligsentralen utforskar vi korleis kommunen, næringslivet og frivilligheita kan samarbeide for betre folkehelse i Stranda kommune.







